Video
Read full review
2020-10-03
500 views
行經「味千拉麵」見好耐冇食過，正值午餐時份，我就決定買啲嘢食返Office當Lunch同同事一齊食。印象中油麻地店有好耐歷史，但我都未幫襯過呢間分店🙈。店舖環境唔錯，牆身有好多介紹味千拉麵歷史嘅資訊😂，整體幾光猛乾淨。短髮女店員超好人，全店得佢一個滿場飛，但都好好禮貌同友善。我驚兩碗麵太多，所以只係叫咗一份麵，但就再追加咗小食。店員估計呢個量唔係我一個人食，所以話特登畀多對筷子我🥢，勁細心。我都係而家先知原來味千拉麵嘅外賣進化成咁厲害，湯同麵分開上已經係基本。佢個碗嘅下層仲特別預備咗個暖包比你加熱(大陸好流行嗰啲即食火鍋嘅模式)，咁嘅話就算外賣都可以食到熱辣辣嘅拉麵🍜，誠意十足。外賣盒🥡嘅包裝有齊步驟説明介紹，非常清晰。餐廳將滾湯灌入銀仔包裝嘅湯包內，湯底仲係熱的 1️⃣步驟一：將上層麵隔取出，並將湯包內嘅湯慢慢倒入。2️⃣&3️⃣步驟二及三：撕開底層嘅加熱包包裝袋後，放番喺原位，再加半杯普通水至注水綫。同時，加熱包包裝袋亦有列出多個注意事項⚠️。4️⃣步驟四：將已加入湯嘅上層麵隔(即步驟一)放番喺注咗水嘅加熱包上面，再即刻冚蓋。5️⃣步驟五：等大約五分鐘後，散熱口唔再出煙，就可以食用！不過要小心燙口啊，堅
店舖環境唔錯，牆身有好多介紹味千拉麵歷史嘅資訊😂，整體幾光猛乾淨。短髮女店員超好人，全店得佢一個滿場飛，但都好好禮貌同友善。
我驚兩碗麵太多，所以只係叫咗一份麵，但就再追加咗小食。店員估計呢個量唔係我一個人食，所以話特登畀多對筷子我🥢，勁細心。
我都係而家先知原來味千拉麵嘅外賣進化成咁厲害，湯同麵分開上已經係基本。佢個碗嘅下層仲特別預備咗個暖包比你加熱(大陸好流行嗰啲即食火鍋嘅模式)，咁嘅話就算外賣都可以食到熱辣辣嘅拉麵🍜，誠意十足。
長崎海鮮拉麵
$58
8 views
0 likes
0 comments
1️⃣步驟一：將上層麵隔取出，並將湯包內嘅湯慢慢倒入。
2️⃣&3️⃣步驟二及三：撕開底層嘅加熱包包裝袋後，放番喺原位，再加半杯普通水至注水綫。同時，加熱包包裝袋亦有列出多個注意事項⚠️。
4️⃣步驟四：將已加入湯嘅上層麵隔(即步驟一)放番喺注咗水嘅加熱包上面，再即刻冚蓋。
5️⃣步驟五：等大約五分鐘後，散熱口唔再出煙，就可以食用！不過要小心燙口啊，堅熱🔥。
我要嘅拉麵款式係長崎海鮮拉麵($58)連飲品，湯底係乳白色嘅豬骨濃湯，再配以多種海鮮同埋蔬菜等配料，非常豐富。齋講海鮮種類都好多，有🦑魷魚鬚、🦐蝦、帆立貝、蟹柳同魚板，全部味道唔錯，唔係雪到死死實實無尼味道嗰種。拉麵麵質亦都好食，由細食到大都覺得味千嘅麵條粗幼度剛好，口感軟硬適中。
蒜片牛柳粒
$43
13 views
0 likes
0 comments
香煎蝦餅
$38
21 views
0 likes
0 comments
總括嚟講，味千外賣好正👍，拉麵可以簡易加熱還原堂食滋味，真係無乜幾多餐廳有咁嘅心思，先唔講喺其他店買外賣都瘋狂加你十蚊八蚊盒錢啦。更何況食物出品係好食，不比價錢貴一倍嘅遜色。我真心推介如果附近有味千，絕對值得幫襯😜！
Post
