芝味鳥 (Moved) New Location

安定呢間芝味鳥應該十年都有，野食真係好吃過M記，不過兩睇，因為佢呢間無薯條，反而有每次都炸到好香既炸雞。今次叫左個皇牌套餐，其實佢既分類只係份量既分別，分別都不太大。不過我奉勸男人就叫皇牌，否則就會唔夠食。佢每日的粉面套餐都是有分別的，今次都叫左個海鮮焗飯，因為由小到大食左咁多年既經驗，除在焗飯，其他外賣都不太好吃。海鮮焗飯的料次次都好足，加上佢焗到D白汁有少少燶燶地，味道一般，但我就食哂。另外叫左個十年都一樣既忌廉磨菇粟米湯，味道似金寶湯，料足，粟米入面最有營養個粒芯都起到，不過去到最底永遠都有D粉狀既感覺，睇黎佢地落生粉落得太多。炸雞睇黎係呢間店既招牌菜，永遠隔15分鐘，拎番屋企都會仲香、仲熱、仲脆。不過缺點就係你會見到炸雞先生滴油，不過幾岩我口味，因為佢雖然油，但係好乾身，好脆好熱。不過外賣次次都要等4-5個字，好慢，因為佢樓面得1個人，入面個廚房就得3個人，我都慣了，玩玩下手機都過左。