金記冰室 (八號花園) (Closed)

今日端午節，我就喺外賣app嗰度order咗一個咖喱牛腩飯單嘅外賣。點知送到黎一打開放白飯嘅外賣盒，就見到白飯裏面夾雜左包裝廢紙！雖然我心知不妙，但由於太肚餓嘅關係，只係將包裝廢紙撥走之後進食… …所以我想請問吓餐廳嘅負責人，點解可以任由員工將廢棄嘅垃圾包裝連同白飯一併裝入去外賣盒上？再加上現時疫症橫行，唔係應該更注重衛生令食客食得放心咩？貴公司嘅衛生情況令人堪憂！今日本應該係普天同慶嘅日子，但因為呢件事情令到就算係難得嘅假日心情都欠佳，依家進食後仲要擔心會否上吐下瀉！本人並唔係諸多挑剔而係認為一間餐廳確保食物安全嘅質素應該放喺第一位！