Video
Read full review
2024-06-11
2054 views
下午茶時間過嚟呢間米芝蓮食店買外賣小食，等咗十分鐘就有，都算快。🥢爆炒XO醬蘿蔔糕本身下午茶light啲食少少小食，估唔到佢嘅份量都幾多😆 蘿蔔糕切粒，方便食用。佢個XO醬都幾出色，辣辣哋好惹味，有蝦米瑤柱碎，見到佢個XO醬出售，都好吸引。🥢黑白炸雙丸黑白雙丸即係炸牛丸同墨魚丸。牛丸炸到外層脆香，咬落去爆肉汁👍🏼炸到金黃色嘅墨魚丸就好彈牙，係幾好嘅香口小食。🥢怒炸 •XO醬燒賣我喺其他小食店都好鍾意食炸燒賣。比起炸丸，炸燒賣就更加脆口。呢間同其他炸燒賣唔同，佢加咗自家秘製XO醬，更加香口。食完咁多熱氣野，見到呢度有綠豆/紅豆沙飲品。即刻叫返杯下火🤣下次中午時間可以再嚟試佢嘅招牌銷魂飯同炸糭👍🏼
🥢爆炒XO醬蘿蔔糕
本身下午茶light啲食少少小食，估唔到佢嘅份量都幾多😆 蘿蔔糕切粒，方便食用。佢個XO醬都幾出色，辣辣哋好惹味，有蝦米瑤柱碎，見到佢個XO醬出售，都好吸引。
🥢黑白炸雙丸
黑白雙丸即係炸牛丸同墨魚丸。牛丸炸到外層脆香，咬落去爆肉汁👍🏼炸到金黃色嘅墨魚丸就好彈牙，係幾好嘅香口小食。
🥢怒炸 •XO醬燒賣
我喺其他小食店都好鍾意食炸燒賣。比起炸丸，炸燒賣就更加脆口。呢間同其他炸燒賣唔同，佢加咗自家秘製XO醬，更加香口。
食完咁多熱氣野，見到呢度有綠豆/紅豆沙飲品。即刻叫返杯下火🤣
下次中午時間可以再嚟試佢嘅招牌銷魂飯同炸糭👍🏼
Post
