Burgerman (欽州街) (Closed)

小妹好耐之前係大角咀嘅burgerman食過一次覺得唔錯, 今日收工經過見到原來深水埗都有於是就外賣一個番屋企食! 餐廳除左提供牛漢堡🐂🍔仲有豬🐖🍔, 雞🐔🍔, 魚🐟🍔同菇🍄🍔, 素食者都岩食, 另外加20蚊就可以升級做套餐, 有薯條🍟/薯格/沙律🥗同汽水🥤/茶比你揀! 小妹就揀左個候斯頓漢堡餐! 漢堡包即叫即整, 番到屋企拎上手都仲係熱的, 最貼心係仲有提供手套, 即使係街食都唔怕整污糟隻手仔🖐🏻😂候斯頓漢堡🐂🍔漢堡包厚到要撐到個口勁大先食到😂, 麵包外皮幾脆, 牛肉又香又厚, 加埋醬汁幾惹味!薯格🍟薯格炸到金黃色仲幾香, 即使擺左陣都仲脆的!