Donut Café (愉景新城) (Closed)

.今日係老公生日，之前我哋每一年都會出街食飯慶祝，今年抗疫時間，所以我哋都支持喺屋企煮食最安全，適逢荃灣愉景新城嘅donut Cafe做緊外賣自取優惠，以低至38折優惠價，就可以訂到高質食材包，而且全部食材，都洗好切好醃製好😍簡直係我煮婦人生嘅佳音😍訂完食物後，員工會whatsapp，同我確認訂單，之後就可以喺預訂時間去舖頭攞食材了！食材到手時仲係好涷，冇出水，蔬菜類全部真空包裝，好新鮮！加上所有食材都係調教好晒調味料，夠晒入味。Donut Café 仲好貼心呀，每一款都有張字條，清楚列明煮食方法和烹調時間，寫得非常詳細，呢餐全家人食嘅生日飯，唔使一個鐘就煮好，非常方便！大家都食得好開心😄