牛扒先生 (康怡廣場) (Closed)

今日去左太古城行街，因為疫症關係，晚餐會買外賣回家食，見到Mr.steak外賣自取有優惠，咁就睇下餐牌有咩食，結果我就揀左海蝦蕃茄意大利飯配南瓜湯，而我老公就揀左香燒春雞半隻配意大利麵+南瓜湯。海蝦蕃茄意大利飯蕃茄味好濃郁，再加上大大隻既海蝦，味道好鮮味，海蝦又爽口彈牙，份量方面又多，抵食之選，南瓜湯就無咩特別。香燒春雞半隻配意大利麵雞肉嫩滑多肉汁，啖啖肉，意大利麵反而就硬左一點，而配菜方面相對比較淡，整體份量方面都算多。如果以外賣既質素睇，都算係唔錯選擇，份量都比較多，價錢方面都合理，唔算太貴。