燧記廚房 (荔安大廈) (Closed)

又係星期日，唔想煮飯嘅日子~落去屋企樓下附近睇吓有乜嘢外賣食，見到呢一間餐廳主打做外賣，自取仲要九折唔收加一，一於買兩個餐返屋企！餐牌簡單，有10幾款左右，有牛丶豬丶雞，蒸水蛋蔬菜等等，大概50幾蚊一個餐我就叫咗個蔥爆牛肉同埋紅燒馬鈴薯🥔排骨，飲品就揀咗豆漿等咗一陣就拎得返去依家外賣好細心，採取上下兩層，上邊係主食，下邊係白飯~蔥爆牛肉 極多牛肉，醬汁調味得啱啱好，再加上大蒽，用嚟送飯一流！紅燒馬鈴薯🥔排骨，馬鈴薯燒得好香，外脆內軟，再加上滑嫩嘅排骨，正～！冰凍豆漿，好飲又解渴～依家外賣小店性價比十足呢！