德美壽司 (新都城中心1期) (Closed)

壽司癮突然發作，但有事做緊行開唔到太耐，唯有外賣自取壽司拎返去嘆。睇MENU都幾多款式選擇，價錢由六十幾至百幾蚊不等，豐儉由人。今次叫左 壽司定食配牛肉烏冬($99)，呢個SET有壽司6件、厚燒玉子、牛肉烏冬、沙律、茶碗蒸蛋、甜品，以1個SET入面有咁多野可以食，認真豐富開餐之前影張合照先壽司6件：佢預設6款壽司，不設自選，今次有三文魚、吞拿魚蓉、油甘魚、熟蝦、帆立貝、三文魚籽軍艦。壽司飯都握得好好，唔會一夾起就散。每一款都好新鮮，特別係帆立貝，真係好鮮甜熟蝦就肉質彈牙厚燒玉子：玉子上面有佢個招牌名「德美」喺到，相當吸引，食落去都幾甜，而且口感唔錯，幾軟身沙律：今次係三文魚沙律，份量唔算多，不過作為前菜開下胃都幾好牛肉烏冬：牛肉數量都OK，食落去味道唔錯，裡面仲有D魚片、昆布、粟米粒等配料。雖然烏冬冇分湯裝，但拎返去食時，烏冬都依然彈牙茶碗蒸蛋：估計係拎返去時震到散開左，所以賣相唔算理想，但食落去嘅味道仍舊不減，蒸蛋好滑身好香蛋味，裡面仲有D菇、蝦、蟹柳配料甜品：明明我睇MENU呢個SET係有甜品，不過拎到返去開餐先發現唔見，唔知係跟漏左，定係要堂食先至有佢呢到外賣自取會收取外賣盒$5