你妳 (Closed)

紅磡最近新開咗間你妳，主打台灣食物，見到個餐牌好抵食，身為Poly人，住得咁近，當然要試試佢。自選便當首先要揀主食，有魯肉飯同乾拌麵、主菜有四款，分別係滷水雞扒、鹽酥雞、五花肉、雞捲、小食四揀二，有台灣腸、海鮮餅、花枝丸、蝦捲，而且仲有半隻蛋，一個便當已經非常豐富，而且只需要$55，超級抵食！魯肉飯、滷水雞扒、台灣士林香腸、香芋海鮮餅魯肉飯幾好，餸飯唔錯，滷水雞扒炆得極淋，一咬就斷，亦都好入味，滷得幾香，台灣腸拌埋生蒜，好有台灣味道，海鮮餅不過不失。魯肉飯、鹽酥一口雞、花枝丸、台南鮮你蝦捲鹽酥雞炸得夠脆，好有鹽酥味，有足足7舊，花枝丸同蝦捲都係炸嘅，非常香口，呢間野CP值超高，所有食物高上水準，配搭吸引豐富，好耐冇食過咁高質嘅飯盒了。