Video
Read full review
2020-11-25
390 views
知道北角滙有個免費嘅貓美術展，約咗家姐放工一齊去影相🐱爸爸最近整親隻手煮唔到飯，佢話想食pizza，所以我哋影完相就去咗pizza express買外賣番屋企食☺️蒜蓉包加芝士($58):因為大家都太飽食唔落所以係第二日先用微波爐整熱食嘅，但難得嘅係包仍然非常鬆軟！蒜蓉味唔太濃，加咗馬蘇里拉同巴馬臣芝士食落香口☺️羽衣甘藍蘑菇松露薄餅($176):加錢升級咗批底做薄脆底，批底真係做得好出色，好似食緊厚切薯片咁脆，但又保持到少少嚼勁！蒜香味濃，配上羽衣甘藍同蘑菇，上面灑上芝士同勁香嘅松露油，材料雖然好簡單但係味道惹味而且比平時有番茄醬/千島醬嘅pizza更加清爽❤️番茄海鮮意粉($148):配料好豐富有蝦肉；蜆肉；八爪魚；元貝仔同車厘茄，用香辣番茄醬煮成，意粉微辣有彈性每啖都食得到海鮮🌶️蝦肉燴糙米飯($148):除咗主角蝦肉之外仲有八爪魚，海鮮番茄醬加埋蒜蓉同洋蔥好惹味，令人一啖接一啖！最後灑上嘅葱絲同巴馬臣芝士簡直係神來之筆，令到糙米燕麥飯味道更加有層次香氣十足😍烤焗雞翼配蜜糖芥末醬($83):外皮香脆，肉質亦都幾嫩滑！雞翼味較淡，沾上蜜糖芥末醬之後味道剛剛好👌🏻食物唔錯，最重要係番到屋企仍
蒜蓉包加芝士($58):
因為大家都太飽食唔落所以係第二日先用微波爐整熱食嘅，但難得嘅係包仍然非常鬆軟！蒜蓉味唔太濃，加咗馬蘇里拉同巴馬臣芝士食落香口☺️
羽衣甘藍蘑菇松露薄餅($176):
加錢升級咗批底做薄脆底，批底真係做得好出色，好似食緊厚切薯片咁脆，但又保持到少少嚼勁！蒜香味濃，配上羽衣甘藍同蘑菇，上面灑上芝士同勁香嘅松露油，材料雖然好簡單但係味道惹味而且比平時有番茄醬/千島醬嘅pizza更加清爽❤️
番茄海鮮意粉($148):
配料好豐富有蝦肉；蜆肉；八爪魚；元貝仔同車厘茄，用香辣番茄醬煮成，意粉微辣有彈性每啖都食得到海鮮🌶️
蝦肉燴糙米飯($148):
除咗主角蝦肉之外仲有八爪魚，海鮮番茄醬加埋蒜蓉同洋蔥好惹味，令人一啖接一啖！最後灑上嘅葱絲同巴馬臣芝士簡直係神來之筆，令到糙米燕麥飯味道更加有層次香氣十足😍
烤焗雞翼配蜜糖芥末醬($83):
外皮香脆，肉質亦都幾嫩滑！雞翼味較淡，沾上蜜糖芥末醬之後味道剛剛好👌🏻
食物唔錯，最重要係番到屋企仍然保持到熱度！
Post
