德美壽司 (新都城中心1期) (Closed)

將軍澳都多野食，平時食開小炒碟頭飯，今晚就外賣日本野😛🔻天婦羅烏冬定食 $88🔻烏冬食落幾彈牙，湯底味幾濃☺️，仲有隻溫泉蛋😍，淨係食烏冬都幾滿足架😆。天婦羅有蝦蕃薯，南瓜🎃，冬菇，茄子🍆，外賣幾窩心，用左張吸油紙係底，食落唔會成口油之餘又吸到的倒汗水👍🏻，雖然無即食咁脆，但唔會淋哂👍🏻。蝦天婦羅好好味，隻蝦好爽口，南瓜又甜，的確幾好喎☺️。定食關係仲有個沙律同湯，沙律除左菜仲有粒小貝柱，好有誠意😍。🔻活鰻魚朴葉飯定食 $108🔻好多人叫依個飯，當然都要叫黎食先😆。鰻魚厚切，表面燒得金黃😍，口感豐滿，又冇骨，飯同醬汁比例岩岩好👍🏻。每啖入口都唔會太dry，配搭埋蛋絲又幾有新意，份量十足，岩曬大食既人仕🤣。🔻牛油果軟殼蟹卷 $88🔻一客有4卷，好似好少？其實好足料又好大卷🤭，成個太卷咁既size，軟殼蟹同牛油果真係好夾，的牛油果好靚仔，一啖擺晒入口😙，正。