小清邁 (柯士甸大廈)

Open Now

Now Closed

今日經過尖沙咀附近見到一間泰菜外賣店，就順便買外賣返屋企食。店名叫小清邁，餐牌簡單，主要係各種泰式飯河粉，價錢親民，大概$50-$70左右，配可樂加$6，配咖啡/茶/龍眼水加$10，青檸梳打/珍多冰/三色冰就加$18。主餐牌有飯類，主食類，蔬菜類，小食，串燒類，甜品，飲品。泰黃咖喱炒軟殼蟹 $158店員介紹呢個泰黃咖喱炒軟殼蟹好食，就試吓啦。軟殼蟹即叫即炒，我哋去到九龍公園坐低食，都仲係熱辣辣。脆口軟殼蟹原隻一開二，足有三隻，抵食，都仲脆脆地！黃咖喱超熱，味道又滑又香，完全唔辣。蔬菜配料好多，有西芹，紅燈籠椒，洋蔥等，吸左啲汁，味道好好，仲有好多滑溜蛋白。斑蘭千層糕 $40斑蘭千層糕一客6件，店員特登先將斑蘭千層糕整熱，然後同熱咖喱放埋一齊保溫，好細心。食嘅時候仲暖，質感滑溜彈牙，聞到好香斑蘭植物味，食落又有梛香，冬天食好正。炸蝦片 $25順便買咗一大包蝦片返歸食。店員態度友善，服務態度好好。今餐食物好唔錯，外賣都食到堂食水準。