Video
Read full review
2023-02-25
170 views
而家好多地方都開咗Freshlane，雲集咗唔同高手在內，呢日去開旺角又開App睇吓，就見到有間叫「CHEF'š LABS」。菜式選擇都幾多，而且亦有做到會服務。食物即叫即整，熱辣辣送上，份量都幾多，但當然價錢就唔算好平。松露野菌忌廉汁扁意大利麵($78)，扁意粉麵條彈牙，松露野菌忌廉汁惹味得嚟，一啲都唔覺漏，佢另外仲加咗大量雜菇同洋蔥，即使無肉都唔覺單調。普羅旺斯式蜆意大利飯($88)，意大利飯口感正宗，即係有少少似生米，而唔係單用汁煮到濕晒。蜆選用大蜆，蜆肉鮮甜肥美，其他配料仲包括多種雜菜粒。菠蘿乾咖哩燒雞墨西哥烤餅($58)，墨西哥烤餅一客有六件，烤餅皮軟熟，餡料層則唔算厚。菠蘿乾味道蓋過咖哩味，所以整體偏甜，有啲似鳳梨酥咁，我個人希望咖哩味重啲。脆蟹肉薯丸($68)，炸脆薯丸外層脆卜卜，咬開真係見到一絲絲蟹肉，算真材實料，反而薯蓉就唔係塞到滿。如果唔想乾身，可以沾醬食啊。 總括嚟講，外賣都食到精美西餐🍽，食物質素同賣相都唔會差過餐廳。不過扒類同海鮮嗰啲，我就感覺始終偏貴呢，或許一大班人食就化算啲。
而家好多地方都開咗Freshlane，雲集咗唔同高手在內，呢日去開旺角又開App睇吓，就見到有間叫「CHEF'š LABS」。
菜式選擇都幾多，而且亦有做到會服務。食物即叫即整，熱辣辣送上，份量都幾多，但當然價錢就唔算好平。
松露野菌忌廉汁扁意大利麵($78)，扁意粉麵條彈牙，松露野菌忌廉汁惹味得嚟，一啲都唔覺漏，佢另外仲加咗大量雜菇同洋蔥，即使無肉都唔覺單調。
普羅旺斯式蜆意大利飯($88)，意大利飯口感正宗，即係有少少似生米，而唔係單用汁煮到濕晒。蜆選用大蜆，蜆肉鮮甜肥美，其他配料仲包括多種雜菜粒。
菠蘿乾咖哩燒雞墨西哥烤餅($58)，墨西哥烤餅一客有六件，烤餅皮軟熟，餡料層則唔算厚。菠蘿乾味道蓋過咖哩味，所以整體偏甜，有啲似鳳梨酥咁，我個人希望咖哩味重啲。
脆蟹肉薯丸($68)，炸脆薯丸外層脆卜卜，咬開真係見到一絲絲蟹肉，算真材實料，反而薯蓉就唔係塞到滿。如果唔想乾身，可以沾醬食啊。
總括嚟講，外賣都食到精美西餐🍽，食物質素同賣相都唔會差過餐廳。不過扒類同海鮮嗰啲，我就感覺始終偏貴呢，或許一大班人食就化算啲。
Post
