添好運點心專門店 (Closed)

今日中午突然想食點心，結果山長水遠行去popcorn 買點心食，以點心而論添好運水準一向係比茶樓好，某啲茶樓點心非現場做，結果質素參差很大。今日一共叫左4個點心，蒸排骨、酥皮叉燒包、煎虎尖椒同蝦餃。叫外賣佢全部分開盒裝，雖然好浪費，但食物不會混在一起，影響觀感同味道。我試過比還保盒佢裝，但佢話師傅唔收，因為流水作業，會攪亂班師傅。講返味道，酥皮叉燒包係必食，比一般叉燒餐飽更好食，而蝦餃皮亦做得好好，煙煙韌韌唔會痴埋一舊或者散晒。排骨肥瘦適中，近骨位爽爽地好味，最後仲有虎皮尖椒🙈🙈餓得滯未影就食左，少少辣勁野味。