陳家菜 @Freshlane (樂基商業中心) (Closed)

前幾日去開西營盤，路過Freshlane，我記得Freshlane入面有唔同嘅餐廳菜式可以order黎takeaway，於是我望左一陣個menu，就決定order呢間專售中菜嘅陳家菜返屋企做dinner。我地order左半隻嘅秘製麻辣雞煲同埋兩碗白飯。半隻嘅秘製麻辣雞煲都差唔多裝滿左個盒，以百幾蚊黎計，份量都算合理。值得欣賞嘅係呢個秘製麻辣雞煲唔會話太重味，食完都唔算太口渴。辣度唔算太辣，但都幾香幾惹味，用黎送飯都唔錯。另外仲有啲雲耳同埋三色椒喺呢盒雞煲入面，雲耳同三色椒煮得好入味，值得一讚。白飯裝到滿滿嘅一盒，壓得好實所以其實有好多，每人食完一盒白飯都好夠飽。飯粒軟硬適中，唔錯。