Video
Read full review
2022-10-17
565 views
"【英记面家】我寫咗 post 兩年幾，其實都開始習慣咗將寫嘢同出 post 融入喺自己嘅生活裡面。滿足感有時都會有嘅，例如捐窿捐罅搵到啲冇乜人介紹過，而又冇上過「宣傳易」，但係又幾好食嘅餐廳，經自己講出嚟之後引起到共鳴咁。有見及此，我就愈去一啲大家可能比較少機會接觸嘅餐廳，有時掂到一啲大家嘅童年或者讀書時嘅回憶，我都會覺得幾滿足，起碼係小眾而非孤獨。今次想講一間喺英记面家餐廳，不過佢唔近港鐵站。主食「特濃沙爹牛肉麵」唔算好突出，沙嗲味冇佢吹到咁濃，個「丹麥吐司」亦都只係一塊脆口啲嘅烘多士，冇特別。反而佢個「3.7牛乳炒滑蛋及火腿」可以話係靈魂所在，隻蛋炒得非常好，外面啱啱熟而又包住啲蛋汁，正。個餐加埋杯正正常常嘅「熱奶茶」，我覺得都算公道，唔算話平但係以隻蛋嘅質素嚟講都合理。不過咁樣又點會滿足到我，見到餐牌個「晚市精選」上面有幾款「招牌菜」，我叫多一款嚟加吓餸都唔係好過份啫下話。我揀咗「子薑炸豬手」，配埋「例湯」幾抵。豬手幾正，起好晒骨切埋片，啖啖肉，脆卜卜，揩到啲子薑嘅話仲有啲薑味，估唔到幾夾。原來仲有「白飯」，侍應醒目，唔上畀我住，問我要唔要。我冇要到。。。（地址：西环西营盘高街
有見及此，我就愈去一啲大家可能比較少機會接觸嘅餐廳，有時掂到一啲大家嘅童年或者讀書時嘅回憶，我都會覺得幾滿足，起碼係小眾而非孤獨。今次想講一間喺英记面家餐廳，不過佢唔近港鐵站。
主食「特濃沙爹牛肉麵」唔算好突出，沙嗲味冇佢吹到咁濃，個「丹麥吐司」亦都只係一塊脆口啲嘅烘多士，冇特別。反而佢個「3.7牛乳炒滑蛋及火腿」可以話係靈魂所在，隻蛋炒得非常好，外面啱啱熟而又包住啲蛋汁，正。
個餐加埋杯正正常常嘅「熱奶茶」，我覺得都算公道，唔算話平但係以隻蛋嘅質素嚟講都合理。不過咁樣又點會滿足到我，見到餐牌個「晚市精選」上面有幾款「招牌菜」，我叫多一款嚟加吓餸都唔係好過份啫下話。
我揀咗「子薑炸豬手」，配埋「例湯」幾抵。豬手幾正，起好晒骨切埋片，啖啖肉，脆卜卜，揩到啲子薑嘅話仲有啲薑味，估唔到幾夾。原來仲有「白飯」，侍應醒目，唔上畀我住，問我要唔要。我冇要到。。。
（地址：西环西营盘高街32号地下）
Post