Video
Read full review
2015-08-17
8193 views
太耐冇嚟觀塘, 完全唔同哂, 我連多咗呢座大廈都唔知, 唔係朋友話嚟呢度食, 根本唔知原來呢度好多嘢食~ 呢度韓燒限時1個半鐘, 其實真係唔係好夠時間, 又要出去拎, 拎完返嚟又要燒, 我地又啱啱4個人, 如果有5個人, 就可以2個鐘, 多半個鐘應該會好好多, 唔駛好似打仗咁, 拿拿聲走每樣執d生嘢返嚟燒住先, 再拎d熟食頂住肚先~可供燒烤食物種類都算幾多, 不過其實來來去去都係豬肉、牛肉、牛仔骨、雞肉、牛舌、魷魚、墨魚仔、脆皮腸、廚師腸、魚柳、生菜、金菇、南瓜、茄子、洋蔥、粟米等等, 同其他韓燒都係差不多~至於熟食, 除咗韓式前菜同沙律之外, 唔知係咪新年, 有d煎堆仔、蛋散之類的食物, 魚生、壽司都有少少, 另外仲有d炒菜、炒蜆、炒飯、立立什什咁啦~ 都冇細心去睇, 因為唔太吸引~湯類, 見到有兩煲, 其中, 煲應該係人蔘雞湯, 朋友話冇乜蔘味, 另一煲有試, 唔知係乜?飲品雖然有4部機, 但其實係重覆的, 只有豆漿同酸梅湯兩款, 汽水同啤酒要收費, 唔似人地果d任飲咁抵~甜品/糖水都有好幾款選擇, 好似好吸引, 但因為食得太急, 飽到唔想食, 只係試咗個喳咋, 唔會太甜, 都幾好
呢度韓燒限時1個半鐘, 其實真係唔係好夠時間, 又要出去拎, 拎完返嚟又要燒, 我地又啱啱4個人, 如果有5個人, 就可以2個鐘, 多半個鐘應該會好好多, 唔駛好似打仗咁, 拿拿聲走每樣執d生嘢返嚟燒住先, 再拎d熟食頂住肚先~
可供燒烤食物種類都算幾多, 不過其實來來去去都係豬肉、牛肉、牛仔骨、雞肉、牛舌、魷魚、墨魚仔、脆皮腸、廚師腸、魚柳、生菜、金菇、南瓜、茄子、洋蔥、粟米等等, 同其他韓燒都係差不多~
至於熟食, 除咗韓式前菜同沙律之外, 唔知係咪新年, 有d煎堆仔、蛋散之類的食物, 魚生、壽司都有少少, 另外仲有d炒菜、炒蜆、炒飯、立立什什咁啦~ 都冇細心去睇, 因為唔太吸引~
湯類, 見到有兩煲, 其中, 煲應該係人蔘雞湯, 朋友話冇乜蔘味, 另一煲有試, 唔知係乜?
飲品雖然有4部機, 但其實係重覆的, 只有豆漿同酸梅湯兩款, 汽水同啤酒要收費, 唔似人地果d任飲咁抵~
甜品/糖水都有好幾款選擇, 好似好吸引, 但因為食得太急, 飽到唔想食, 只係試咗個喳咋, 唔會太甜, 都幾好~
仲有生果同雪糕, 有幾款選擇, 算係比較多了~
呢度人流超多, 我地食正場, 你會見到拎食物的地方, 尤其是生嘢, 你斯文d係拎唔到的, d人唔會排隊, 係攝入去的, 仲有, 你拎咗個夾, 就夾哂先好放低, 事關你一放低, 個夾比人拎咗, 你攝咗入去都冇用~ 其實佢拎生嘢的地方太細, 而且只係單邊, 如果兩邊都夾到的話, 相信冇咁迫人, 會舒服d~
開頭咪話限食個半鐘, 後來個半鐘過咗, 先叫我地埋單, 但埋完單都冇趕我地走, 可能門口冇人等, 而且9點就係特價時段, 未到果個時間, 未需要趕我地走住, 早知唔駛咁趕啦~ 趕食得急, 就越快飽, 就越食得少嘢, 唉~
Post
