敏華冰廳 (德福廣場1期)

Open Now

Now Closed

今日約左朋友去參觀位於九龍灣機電署，所以我們約定在德福廣場食早餐。每次來到德福，我都會不其然的望一望這間冰廳，因為平時經過都見人頭湧湧，都想找機會來試下這裡的早餐。可能今天是星期六，早上沒有想像咁多人，故我就走去排隊，等了10分鐘，終於到我們。由於食客眾多，所以我們都快快點餐。朋友點了一個忌廉雞湯火腿通粉拼炒蛋配歐式軟多士。火腿通粉口感可以，忌廉雞湯濃郁，炒蛋好滑，多士厚而軟，好食！而我就點了沙茶牛肉公仔麵拼炒滑蛋配歐式軟多士，沙茶牛肉我覺得味道麻麻，公仔麵煮得還可以，唔會太腍，炒蛋好香滑，軟多士都烘得好好，又夠厚。餐飲是熱檸水和熱咖啡，熱檸水冇特別，熱咖啡朋友說唔夠香。其實味道同一般茶餐廳差不多，只是個炒蛋比較滑，但唔明點解會咁多人咁心排長龍。