Holy Crab Bar and Restaurant (Closed)

星期六約左班小學同學，大約8個去到蘭桂芳呢間新開既餐廳食飯，由於我地有book台，所以唔洗等位。呢度地方好寬敞，餐廳播住音樂，坐得好舒服，呢度有兩張大長枱，好適合一大班人黎聚會。食物質素都好好，我地叫左份Caesar Salad，Waiter 推住架車仔出黎係我地面前整，感覺好特別，份Salad d菜好Fresh。同埋仲食左雞翼，d雞翼可以選擇辣既程度，我食的是少少辣，辣得黎又帶甜，d雞翼係炸完至淋上酸酸辣辣的汁，味道岩到好處。又食左咖哩蜆，d汁好濃好咖哩味，配上新鮮的蜆肉，另外仲配有幾塊麵包，d麵包焗得好脆，脆脆的麵包配上香濃的咖哩汁好好味呀，如果有我至愛的印度烤餅黎點呢d汁，仲正。又食左龍蝦、麵包蟹、虎蝦，每樣海鮮都好新鮮，份量絕不小氣，好大方。