極品煮意 鷄煲.烤魚.火煱 (Closed)

病完一輪，好口痕心郁郁想打邊爐，諗住去快餐店打邊爐，但咁岩見到有雞煲、烤魚、火鍋2小時任食，價錢亦唔貴。一上到去，除左有超多火鍋配料，格離仲有一張長長既枱，擺滿熟食，冷盤、糖水，好吸引，手拍青瓜、泡菜、酸蘿蔔、炸香腸、炸咖哩角、蝦片，椰汁西米露等等，以個價錢真係好抵。我地點鴛鴦鍋，清湯鍋和芫茜皮蛋湯鍋，火鍋湯底夠足料，好夠味，點了美國牛肉，我地最主要食牛，點了好幾盤，其他火鍋配料質素亦唔錯，腸仔竟然有廚師腸，最正就係有即炸響鈴，出去拎幾次都好快比人掃清光。