Video
Read full review
2010-06-25
32 views
我之前介紹過唔少銅鑼灣嘅日本食肆，但通常都係居酒屋或者刺身壽司，如果唔中意食生野嘅朋友，可能就唔太適合。不過今次黎到時代廣場食通天嘅東京和食SUN，食嘅係賣相精緻嘅日本菜，而且款式好多元化，相信較少食日本菜嘅朋友會有另一番感覺～！松葉蟹菠菜煲($68) - 份量雖然唔算多，但勝在湯底甜菠菜嫩，蟹肉亦夠鮮味，掂！加埋有隻靚雞蛋比你混入去，單睇賣相都已經開始流口水...東京和食SUN名物絕對係呢度嘅釜飯，載飯嘅係一個充滿日本古代風情嘅盛器，仲有一個搞GIMMICK嘅沙漏，沙漏嘅沙流完就可以打開個蓋食得，呢個感覺真係唔錯...燒牛肉玉子釜飯($68) - 牛肉咬落較乾身，玉子亦有過熟感覺，味道不過不失，只係純為飽肚的話勉強算合格。特選海產釜飯($108) - 鮮蝦蟹肉蜆肉三文魚海膽蟹籽樣樣有，正如名字一樣用料極豐富，飯粒咬口唔錯亦好入味，幾正架～！廣島蠔芝士燒($56) - 一份四隻熱辣辣，蠔肉肉質肥美，芝士味相當濃郁，配合燒汁實在美味至極，推介！海膽燒賣($45/3隻) - 用上點心蒸籠賣相似模似樣，不過海膽味同豬肉燒賣本身味道格格不入，而且做得好鬆散，價錢亦略貴，實在有地雷嘅感覺，唔值得
松葉蟹菠菜煲($68) - 份量雖然唔算多，但勝在湯底甜菠菜嫩，蟹肉亦夠鮮味，掂！加埋有隻靚雞蛋比你混入去，單睇賣相都已經開始流口水...
東京和食SUN名物絕對係呢度嘅釜飯，載飯嘅係一個充滿日本古代風情嘅盛器，仲有一個搞GIMMICK嘅沙漏，沙漏嘅沙流完就可以打開個蓋食得，呢個感覺真係唔錯...燒牛肉玉子釜飯($68) - 牛肉咬落較乾身，玉子亦有過熟感覺，味道不過不失，只係純為飽肚的話勉強算合格。特選海產釜飯($108) - 鮮蝦蟹肉蜆肉三文魚海膽蟹籽樣樣有，正如名字一樣用料極豐富，飯粒咬口唔錯亦好入味，幾正架～！
廣島蠔芝士燒($56) - 一份四隻熱辣辣，蠔肉肉質肥美，芝士味相當濃郁，配合燒汁實在美味至極，推介！
海膽燒賣($45/3隻) - 用上點心蒸籠賣相似模似樣，不過海膽味同豬肉燒賣本身味道格格不入，而且做得好鬆散，價錢亦略貴，實在有地雷嘅感覺，唔值得試...
盬燒油甘魚魚鮫($53) - 呢度嘅盬燒魚鮫有油甘魚同三文魚任你選擇，咁當然唔駛諗一定唔會叫三文魚咁傻仔啦！魚鮫燒得相當好味，外皮燒得香脆，內裡肉質細嫩，而且魚脂豐厚又有層次，連唔太愛食魚嘅我都話好味，正！
海鮮蒸蛋($45) - 比起其他餐廳同類食品黎講，呢家用料實在豐富，但最精彩始終係蒸蛋部份，實在滑到不得了，加埋冬菇嘅香味，海鮮嘅鮮味，配合得實在幾完美，只係賣相上稍為差左少少，同埋唔明點解又有青豆出現？
吉列宮崎豬肉串($52) - 豬肉串炸得甘香鬆脆，外層炸粉亦唔太厚，水準中規中矩。不過可以用上黑豚肉嘅話，相信口感會更提升，而且肉味會更佳...
籠蒸海鰻壽司($38) - 鰻魚配糯米飯係一個極精彩嘅組合，鰻魚大大件，糯米飯粒極入味，而且個汁幾香濃好味。一籠一件賣相非常靚，唔錯～！
和風鮮茄芝士薄餅($48) - 薄餅份量好細，不過味道出奇精彩，芝士味極豐富，香味十足。完全估唔到一間日本餐廳可以燒出咁好味嘅薄餅，絕對係餐牌上嘅黑馬份子～！
芒果蟹肉卷($60) - 芒果同蟹肉都好新鮮，前者更加係又甜又多汁，加埋牛油果同脆卜卜嘅蟹籽，真係有少少意料之外咁好味，中意食卷物嘅朋友唔好錯過～！
盛岡冷麵($58) - 盛岡冷麵即係韓式冷麵，呢種來自北韓嘅冷麵特別係果種極富彈性麵條，加上酸酸甜甜嘅湯汁，泡菜同水果，非常醒胃好味！或者未食過呢類冷麵嘅朋友會好難想像泡菜西瓜冷麵三樣野一齊食係咩感覺，但試一次就真係包你愛上！
和風什錦煮($48) - 其實即係關東煮，材料雖然都係雞蛋，蘿蔔，蒟蒻，竹輪果類...但小火爐賣相真係令我非常欣賞，感覺極有風味...或者大家會問爐上果個細樽到底係乜?其實果樽係濃度較高嘅麵豉湯。而浸住食材嘅湯底本身係清淡嘅昆布湯，中意味道較濃嘅朋友可以加入麵豉湯作調味，味道唔錯架～
食到依家真係好滿足好飽，但甜品就幾飽都要食，唔係就唔完美。呢個自家製黑芝麻布甸($29)味道濃郁，口感幼滑，真係好食到不得了，分分鐘好多甜品屋都未必做出咁嘅水準！
芒果布甸($28)賣相真係靚到勻，布甸上面芒果有好多片，而且相當香甜好味，不過布甸部份味道較淡，感覺一般。如果可以改善一下，肯定會再加多啲分數！
今次黎東京日和SUN一行八人，埋單千三蚊左右，以銅鑼灣區來講價錢上絕對唔算貴。服務質素我覺得都唔錯，至於食物味道不過不失，整體上都算唔錯。加上款式眾多，而且部份都幾有特色，值得大家黎逐樣嘗試！
Post
