餓媽家姐 (Moved) New Location

厚福街呢間小食店主打港🇭🇰台🇹🇼日🇯🇵系創新小食。大推佢哋嘅XO醬炒腸粉，惹味又飽肚。佢哋嘅🍔手工漢堡系列同埋🩷粉紅脆香單骨雞翼都好受歡迎㗎。✨XO醬羊肉炒腸粉$56腸粉夠滑溜，炒得均勻又夠鑊氣，條條腸粉都索晒醬油同XO醬。羊肉少少羶好惹味。✨脆炸魷魚鬚$39 魷魚鬚彈牙鮮味，炸粉夠脆仲要有好香嘅紫菜粉。✨魚蛋拼燒賣$20 陳皮魚蛋口感彈牙而且陳皮味唔太濃。咖喱汁係似沙嗲嗰種港式咖喱，偏甜唔辣。燒賣啱啱蒸好夠晒軟綿。