拉麵達人 (Closed)

朋友要到裕華買野，約左出黎食下野，記得之前食過拉麵達人覺得個豬骨湯好正，朋友又係拉麵控，一於就食佢啦。上次食過元祖嘅豬骨湯底叉燒拉麵好正，推介朋友點呢款，湯底果然超濃，厚身但不過咸，入口順滑，朋友飲哂成碗滑吖。自己點左黑蒜口味的，湯底同樣濃濃的豬骨味，仲帶有蒜香，飲完個咀唇會黏住 湯底好正呀。叉燒有數片，薄切，肥瘦適中，入口口感不錯。有半隻溏心蛋，蛋心綿滑，蛋味香濃，正。麵身係白色幼麵，沒要求都係偏硬身，很對胃，而且掛湯能力不俗，每一口麵都吸滿濃湯，好食。追加了一客餃子，日式餃子皮薄，煎得香脆，點少少餃子醋已經好好味。拉麵有好多款揀，仲有涼麵，飯類等主食，小食除左餃子同炸雞，仲有煎餅，小丸子，沙律等，真係勁多選擇。現在有優惠叫一碗拉麵加28蚊有碗飯，真係超抵喎，唔怪得咁多人排隊。