神燈燒 (Closed)

宜家最好就係食放題，一個價錢就有多野食。夜晚同同事聚會。放題分3個level, 分別$268/$338/$428。 我地食level 2，嚟呢度當然要食燒肉，牛肉有好多部位揀。叫咗幾款。美國安格斯牛肉，有肉眼、西冷、封門柳等。呢度除左燒肉，仲有好多其他野食。有刺身壽司，海鮮、沙律、水果、甜品、等等。拉麵估唔到幾好食，大大碗，湯底夠味，料又豐富。有蛋、蟹柳、青口等。 飲品方便有多款特飲，出面自助區仲有其他汽水等。呢度平平地，多野食，真係抵食！