Video
Read full review
2018-10-18
320 views
是日重陽節，當然要趁假期約朋友食飯，朋友想食泰國菜，於是就黎到呢度。餐廳位於登龍街，由地鐵站行過去只係需要幾分鐘，相當方便。除咗散叫外，餐廳仲做緊套餐可以任食串燒任飲啤酒，但由於我地想食多d唔同菜式，所以都係決定散叫。泰式酸辣鳳爪 :酸辣鳳爪一向係我最愛，貪佢酸酸辣辣開胃之外，唔駛吐骨亦食得方便。呢度嘅酸辣鳳爪夠入味，入口爽口，酸辣汁唔會太辣，兩個人一啖一件話咁快就清晒。明爐鮮蝦冬蔭公湯 :食泰國菜又點可以唔飲冬蔭公?由於我地都鍾意飲，見兩碗一人份同一煲差唔多價錢，就索性叫一煲可以飲得盡興d。冬蔭公上檯時用明爐座住，唔駛驚飲飲下會凍晒。冬蔭公材料十足，有大蝦、菇、車厘茄等等，另外亦有大量香料，入口酸酸辣辣，飲一碗真係唔夠喉。泰式濕炒海鮮河粉 :份量都算大碟，配料有蝦、魷魚、青口等等，河粉炒得唔會太碎，夾起黎相當方便，芡汁味道夠濃，但又唔會太鹹，唔錯。泰式明爐烏頭魚 :去親泰國菜餐廳，總會見到有人食呢款魚，每次都好想試，今日朋友話有興趣，當然二話不說就叫啦。由於係即叫即煮，所以等候需時，上檯時用明爐座住慢慢煮，等烏頭魚可以慢慢吸收湯汁。烏頭魚肉質嫩滑，吸收咗微酸嘅湯汁後非常惹味，配埋伴碟
餐廳位於登龍街，由地鐵站行過去只係需要幾分鐘，相當方便。
除咗散叫外，餐廳仲做緊套餐可以任食串燒任飲啤酒，但由於我地想食多d唔同菜式，所以都係決定散叫。
泰式酸辣鳳爪 :酸辣鳳爪一向係我最愛，貪佢酸酸辣辣開胃之外，唔駛吐骨亦食得方便。呢度嘅酸辣鳳爪夠入味，入口爽口，酸辣汁唔會太辣，兩個人一啖一件話咁快就清晒。
明爐鮮蝦冬蔭公湯 :食泰國菜又點可以唔飲冬蔭公?由於我地都鍾意飲，見兩碗一人份同一煲差唔多價錢，就索性叫一煲可以飲得盡興d。
冬蔭公上檯時用明爐座住，唔駛驚飲飲下會凍晒。冬蔭公材料十足，有大蝦、菇、車厘茄等等，另外亦有大量香料，入口酸酸辣辣，飲一碗真係唔夠喉。
泰式濕炒海鮮河粉 :份量都算大碟，配料有蝦、魷魚、青口等等，河粉炒得唔會太碎，夾起黎相當方便，芡汁味道夠濃，但又唔會太鹹，唔錯。
泰式明爐烏頭魚 :去親泰國菜餐廳，總會見到有人食呢款魚，每次都好想試，今日朋友話有興趣，當然二話不說就叫啦。
由於係即叫即煮，所以等候需時，上檯時用明爐座住慢慢煮，等烏頭魚可以慢慢吸收湯汁。烏頭魚肉質嫩滑，吸收咗微酸嘅湯汁後非常惹味，配埋伴碟嘅肉碎及椰菜，味道相當夾。而當魚煮得差唔多嘅時候，明爐嘅火就會熄，咁就唔駛怕魚會越煮越老啦。
埋單每人二百零蚊，食到好飽，都算唔錯。
Post
