野川拉麵の鮮鍋道場 (Closed)

近期興食粥底火鍋，但天氣都幾熱，所以揀左野川拉麵之鮮鍋道場試下，因為除左火鍋，仲有半自助既壽司、前菜等提供，有中、日fusion既感覺。餐廳坐位都闊，有好多氫氣球做裝飾，充滿顏色。粥底火鍋既有五款海鮮，又有八款自選配料，三款蔬菜，仲送刺身又有自助區，樣樣齊。自助區壽司，款式好多，有三文魚、吞拿魚、油甘魚、北寄貝、小卷等等。飲品、雪糕、雪條、豆腐花、乳酪等等。另外有熟食、炸物、沙律bar，差不多自助餐咁。首先黎左刺生，賣相不錯，相機先食今日海鮮有貴妃螃、肉蟹、蟶子、蜆同鮑魚，肉質唔錯。配料揀左竹笙、炸魚皮、花膠仔、黑毛豬肉丸、西班牙黑毛豬腩片、肥牛、蘿蔔片同冬瓜。豬腩片幾香口，肥牛都鬆化。粟米、南瓜、芋頭就係另外包埋既蔬菜，令個粥底更甜。打完邊爐，店員就幫我地隔湯渣，將蔬果整碎，然後加入粥底，另外有蛋、味菜同蔥。粥底幾鮮甜。唔食火鍋，都可以叫其他拉麵或者魚生丼，照樣可以任食自助區。鮮鍋道場算種類多元化，三心兩意既人就岩晒口味。