熺會館

Open Now

Now Closed

今日同屋企人黎到尖沙咀呢間熺會館，以食火鍋同粵菜為名，我地今日就率先試下呢度既火鍋，好有驚喜！😽刺身拼盤未食火鍋前我地先食呢度既刺身拼盤，今日有三文魚、赤蝦、吞拿、油甘、帶子，每樣都好鮮味，三文魚肥美鮮嫩，帶子入口即化，赤蝦爽口彈牙，油甘吞拿都好香好濃魚味，全部都好正，打邊爐前食好開胃！👅醉鴨舌鴨舌好爽好有咬口，用酒醃既鴨舌好香濃好惹味，香濃既酒味令鴨舌完全唔會腥，一條條好快就清晒啦！🐷鹿兒島日本黑豚肉黑豚肉豬味濃郁，肥瘦厚薄適中既豬肉入口即化口一，肉質好好，打邊爐岩晒！🍢熺會手打四寶丸四寶丸就係蝦丸，牛丸，墨魚丸同埋鯪魚丸，蝦丸同墨魚丸好彈好爽口，牛丸好香牛味，仲有啲牛筋，口感好好，鯪魚丸都好香魚味，但又唔會腥，好鮮味！