相馬日式火鍋 (Closed)

相馬日式火鍋打邊爐 + 串燒 + 天歸羅習於一身，🥰岩哂多心既朋友。比起其他火鍋店安靜，🎼播住柔和既歌都幾舒服。揀左$258套餐湯底揀左蕃茄湯同甜醬油湯底。🍅蕃茄湯幾天然。甜醬油都岩岩好，🤨不過會越滾越咸。套餐已經有哂美國特選牛肉、🤩雞肉同豚肉任食，對於我地就好足夠啦。豚肉就正常發揮啦。😋雞肉就算淥耐左都仲好滑，有驚喜。🐮美國特選牛肉竟然係有筋位既牛肉。我好鍾意咬筋，🥳有咬口又香牛肉味。出去拎野食都有好多選擇。有啲仲係出面少見，例如:花生苗。🤩我之前都未食過架，一試都幾鍾意喎。食物擺設整潔，🙆🏻‍♀️凍櫃既食物有用膠膜封起，好注重衛生，加分! 👍🏼配料都好新鮮，尤其係蔬菜。食食下火鍋又可以叫下串燒同炸物。串燒都絕無兒戲，燒得幾有水準。😝細細串又唔會食到好飽。🍢串燒可能係即燒嘅關係所以要等得比較耐，建議可以早啲叫定。炸物方面雞翼同唐楊炸雞🍗都好好食，入面嫩得黎又有肉汁。🤔但調味粉落得有啲唔平均，有時會食到調味粉落得過多。最後我已經飽到食唔落甜品，🤗但值得一提除咗普通甜品之外仲有朱古力噴泉架。