九份•十分 (Closed)

今晚又約咗朋友們去上水的九份，十分店聚餐！每次去都比枱上嘅調味架吸引，要將試管上的字面向自己才安心，哈哈今晚沙律叫咗溫泉玉子牛油果凱撒沙律，麵包粒好脆口，温泉蛋沒有過熟，正！沙律菜又新鮮！小食分別叫咗醉鴨舌同萬巒豬手！醉鴨舌，陣陣酒香味！萬巒豬手個滷水味夠入味！配酸菜一齊食，絕配！軟殻蟹手抓餅配咖哩汁，軟殻蟹大大隻，配手抓餅包著吃，另一種食法！正！好多沙律菜伴碟，點完個汁再食啲沙律菜，清新一下個口腔！豆腐魚雲湯，湯底好鮮甜，奶白色，魚頭大大個，冇腥味！芭樂鳳梨鹽水雞涼面，個醬汁係芥末麻醬，好出！芭樂又多，又脆口，鳳梨少少甜，配上個汁可以中和到個芥末，好正！還叫咗杯新鮮柑桔檸，夠潤喉！每次到店吃飯，服務人員都好有禮貎和笑容，真的值得一讚！