六十年華

Open Now

Now Closed

同老公入咗去將軍澳探阿妹，講返小時候父親帶我哋去食乳鴿同燒雞的情景，佢話新都城二期開咗間叫六十年華的茶餐廳，食物多元化，西餐、中菜、燒味都有，阿妹話今晚請我哋過去食飯！餐廳燈光明亮，室內裝修擺設經過精心設計，座位坐得舒服。鹽香燒雞半隻：即叫即燒，雞燒得啱啱好，色澤金黃，皮脆、肉嫩又入味，味道鹹香嫩滑。脆皮乳鴿：乳鴿皮脆肉嫩、色澤紅亮、鮮香味美。福建炒飯：足料多汁，蝦仁夠大隻又爽口，還有蟹柳、雞肉、菇粒和菜粒等，飯底用蛋炒過，特別香口，撈埋醬汁食好惹味！龍脷葉蘋果雪耳豬骨湯，老火湯夠火候，味道清甜。功能潤肺止咳清熱化痰行氣益胃增強免疫力。焗芝士海蝦伊麵，芝士份量十足，還可以拉絲。海蝦大隻爽口，伊麵吸收左芝士汁，每一啖都滋味無窮。雪糕紅豆冰，紅豆冰加入雪糕特別香甜滑溜。