Urban Bakery Works (Closed)

之前都係Market Place 內分店買過佢哋嘅牛角包，原來在中環核心有堂食店，店舖設計上有少少似food court, 自己揀好咗食物同飲品之後再喺收銀處俾錢， 然後再搵位坐低。 牛角包嘅款式及價錢都同其他分店一樣， 其他外賣分店下午之後第二個牛角包半價， 呢度就全部都係正價。我最欣賞法式芝士牛角包，薄脆芝士夠香口，更增加牛角包表面的脆感。 煙三文魚牛角包，份量都算多， 佢哋用咗唔會太鹹嘅煙三文魚， 淡淡香味加牛角包係最好配搭之一。 紐約芝士蛋糕，芝士味夠濃，但我最欣賞個脆餅底，少少甜，增加了芝士蛋糕層次感。 特色蛋撻， 第一次喺呢度食， 外表有少少似葡國蛋撻， 食落嘅口感都有啲似， 只係底層用牛角包酥皮。 再加兩杯飲品，喺度寫意地食一個下午茶， 度過一個愉快的下午。