U@Cafe (Closed)

行過見到門面真係唔會為意佢係一間cafe, 但咁啱老細有門外介紹，又覺得佢地個吐局好似真係幾吸引，於是入左去試，試完心裡就有個感覺，如果佢地個裝修整返好，一定會排長龍😹佢地嘅火焰吐司真心好食，柚子同肉鬆好鬼夾，最細心嘅係，佢地有三層包，第一層面有好多芝士，燒完之後流晒落底，再乾返之後變左一層芝士薄脆，所以食到底都有芝士嘅香脆，好正，真係好正。佢地嘅提拉米蘇更是前洲際米芝連大廚嘅作品，中間嘅手指餅唔會比酒浸到淋pat pat,仍然有少少餅嘅感覺，我覺得呢個口感係最好食。rum酒咪同可可味互相配合得好好，唔會淨係一味得個酒味。老闆話佢地嘅cake全部都係由工場每日新鮮整架，好多選擇，實有款啱你口味。