大家姐 (Closed)

大家姐係平民的選擇坐下食一串燒賣先走都得~但係我起碼1,2年冇食過了~之前佢的雞翼做得很不錯~近期偶然食了一次~叫了碗仔翅因為鍾意佢可以任加菜甫而叫的~一嚟個阿姐已經將我碗嘢俾錯人...咁我見人地雖然遲過我~但係個小朋友好想快d食...咁我俾佢先啦點知阿姐佢喝我!!"你拎嚟拎去做乜姐~食啦..."心中廿句粗口想講law......乜人嚟嫁~你拎晒嘢~我幫你拎埋俾人~你仲要喝我????坐在我背後的(背貼背的舖)...係一個三十多歲婦人同一個幼稚園生(就係想快d食嘢嗰個小朋友)一個好似識得個婦人的阿姐(店員)喺我身後~係咁講個婦人的身世...唔係下ma~你俾餐安樂飯人地食啦由人地啱啱搬嚟荃灣開始講..."你都幾好呀~個女幾乖呀~係wo~你好似有個仔嫁可""係呀""大個仔嫁啦wo~考完會考~仲讀緊書呀?""冇啦, 出左嚟做嘢""咁咪好law~唔洗掛心~係呢~佢做咩嫁?""茶樓""哦...咁好呀?做廚師呀?""唔係呀, 做侍應""都好wo~幾乖仔呀~唔洗擔心啦...你嗰時啱啱落嚟之ma~依家個細女都咁大個lor~"天呀...唔好令人餐飯食得咁難過好嗎?人地都唔想答你...直至人地個老公到~佢先