Video
Read full review
2012-08-21
37 views
BO-LO’GNE 為慶祝多啦A夢100年後的誕生，以多啦A夢為主題，周圍環境及食物都會出現多啦A夢。故此有大量Fans不惜花長時間等待，希望享用多啦A夢主題食物。等咗差唔多80分鐘長龍之後，終於可以入去食嘢。行入去cafe時，見到waiter 收碟，有好幾枱d食物都冇乜食過，估計d Fans淨係點d食物嚟影相，好浪費。坐低5分鐘就上齊食物，大概都知道食物係預先整好。Cuppacinno 有多啦A夢，對我呢個Fans 嚟講，超開心。但係一飲落去超失望，溫度只係微熱，而且鞋口，泡沫又唔夠豐富同幼細，冇咖啡香味，只有咖啡嘅苦。失望。雪糕配上丹麥飽，都算OK，可惜嗰幾粒多啦A夢朱古力鞋口，當裝飾尚可。漢堡排、煙肉、太陽蛋、炸薯條只係暖嘅，應該係整好咗一段時間，而炸薯條食落去(林)哂，唔好食。芝士用紫菜碎(審)成多啦A夢圖案雖然可愛，但係作為芝士冇芝士味，唔及格。碟都有100周年祭，好開心呀！仲要係每隻碟都唔係一樣，會有少少唔同。Tiramisu太硬，應該係落得太多魚膠。Lady fingers 只係好表面吸引咗咖啡酒漿，吸收完全唔夠。失望。唔怪之得d Fans會食淨哂d嘢啦！只係食佢氣氛，唔
坐低5分鐘就上齊食物，大概都知道食物係預先整好。
Cuppacinno 有多啦A夢，對我呢個Fans 嚟講，超開心。但係一飲落去超失望，溫度只係微熱，而且鞋口，泡沫又唔夠豐富同幼細，冇咖啡香味，只有咖啡嘅苦。失望。
雪糕配上丹麥飽，都算OK，可惜嗰幾粒多啦A夢朱古力鞋口，當裝飾尚可。
漢堡排、煙肉、太陽蛋、炸薯條只係暖嘅，應該係整好咗一段時間，而炸薯條食落去(林)哂，唔好食。芝士用紫菜碎(審)成多啦A夢圖案雖然可愛，但係作為芝士冇芝士味，唔及格。
碟都有100周年祭，好開心呀！仲要係每隻碟都唔係一樣，會有少少唔同。
Tiramisu太硬，應該係落得太多魚膠。Lady fingers 只係好表面吸引咗咖啡酒漿，吸收完全唔夠。失望。唔怪之得d Fans會食淨哂d嘢啦！
只係食佢氣氛，唔好期望食物。
Post
