Video
Read full review
2024-05-28
3261 views
想去睇多啦A夢無人機表演又怕逼人，朋友share咗比我喺星薈嘅多啦A夢無人機宴，二話不說即時訂位😆😆😆套餐每位$788(兩位起)，有以下嘢食:上湯波士頓龍蝦奇趣元貝皇姬松茸燉花膠湯當紅荔枝丸併蔥燒牛柳粒松露香煎銀鱈魚綠悠禪蔬原隻鮑魚燴飯楊枝甘露價錢已包茶位及加一，最重要當然係有大大個window seat可以睇無人機表演，想睇得清楚d仲可以上埋去天台添👍🏻我哋到嘅時候仲未開始表演，餐廳就先來第一款菜式 - 龍蝦，開邊龍蝦非常方便，一拮就成嚿龍蝦肉起出來，入口新鮮彈牙，仲有腳同鉗，拆出來啖啖肉，大讚👍🏻食完龍蝦就夠鐘睇表演，基本上大家都上去天台希望睇得清楚啲，而餐廳亦都會配合暫停上菜，等大家睇完表演返到來舒舒服服咁食，唔怕啲餸凍晒🫶🏻要特別讚下個元貝皇😍，原本嘅煮法係有一pai綠色汁烤焗，但因為有位腌尖大少😏，我哋就即管問下可唔可以走汁，餐廳好好咁幫我哋變成香煎，表面脆皮內裡嫩滑，好有驚喜，更加體驗到細心嘅服務❤️燉湯非常足料，大大塊花膠滋補養顏🤭，蔬菜同鮑魚燴飯都一樣出色🙌🏻🙌🏻最後以涼浸浸嘅楊枝甘露作結，無論係無人機表演定係餐飯同樣令人回味無窮😋😋
套餐每位$788(兩位起)，有以下嘢食:
上湯波士頓龍蝦
奇趣元貝皇
姬松茸燉花膠湯
當紅荔枝丸併蔥燒牛柳粒
松露香煎銀鱈魚
綠悠禪蔬
原隻鮑魚燴飯
楊枝甘露
價錢已包茶位及加一，最重要當然係有大大個window seat可以睇無人機表演，想睇得清楚d仲可以上埋去天台添👍🏻
我哋到嘅時候仲未開始表演，餐廳就先來第一款菜式 - 龍蝦，開邊龍蝦非常方便，一拮就成嚿龍蝦肉起出來，入口新鮮彈牙，仲有腳同鉗，拆出來啖啖肉，大讚👍🏻
食完龍蝦就夠鐘睇表演，基本上大家都上去天台希望睇得清楚啲，而餐廳亦都會配合暫停上菜，等大家睇完表演返到來舒舒服服咁食，唔怕啲餸凍晒🫶🏻
要特別讚下個元貝皇😍，原本嘅煮法係有一pai綠色汁烤焗，但因為有位腌尖大少😏，我哋就即管問下可唔可以走汁，餐廳好好咁幫我哋變成香煎，表面脆皮內裡嫩滑，好有驚喜，更加體驗到細心嘅服務❤️
燉湯非常足料，大大塊花膠滋補養顏🤭，蔬菜同鮑魚燴飯都一樣出色🙌🏻🙌🏻
最後以涼浸浸嘅楊枝甘露作結，無論係無人機表演定係餐飯同樣令人回味無窮😋😋
上湯波士頓龍蝦
251 views
0 likes
0 comments
姬松茸燉花膠湯
136 views
0 likes
0 comments
奇趣元貝皇
81 views
0 likes
0 comments
原隻鮑魚燴飯
71 views
0 likes
0 comments
楊枝甘露
116 views
0 likes
0 comments
Post
