Curries Inc (Closed)

基於本人生性八卦，得知希雲街和加路連山道一帶有很多新餐廳開業，所以今日假期特別到來一試! 眼見一間裝修得有少少外國味道既店，喺店外見電視螢幕及店內menu有8款咖哩，但原來每日只賣4款，而今日只得牛肉及雞肉各2款 : 綠咖哩雞、瑪沙曼牛肉、紅咖哩牛肉和馬來咖哩，而咖哩size亦有2款揀，一種係12oz，另一種係28oz，而價錢相對28oz係抵食啲，但一個人既我就只可揀12oz，白飯加$5或印度烤餅$14 (已現售罄)。我揀咗"瑪沙曼牛肉"， 因為店員話係泰國咖哩，而我印象中出面既泰菜館亦好少有，所以想試試有幾特別 ... 咖哩好香椰奶味，有少少辣，內有牛腩亦有少少花生粒，口感幾特別，同喺出面既泰菜館既綠咖哩、紅咖哩、黃咖哩有好大分別，食食下我就食哂成碗飯，一滴汁都唔想放過! 食完飯就一定要飲野啦，雪櫃內有汽水同Shezan既果汁，而我就揀檸檬，味道比較清新自然，唔怪得係店員推介。