Video
Read full review
2021-04-04
1044 views
最近努力喺 K11 Musea 發掘美食，早前就食過半自助午餐，今日就嚟試下呢間拉麵店。餐廳門口同裏面各有一部自助點餐機十分方便，食物種類有麵、飯、小食同不同類型嘅飲品，而且麵嘅口味重有喇沙、港式、泰式、日式、台式、擔擔麵都有，十分多元化 ; 點完餐後就搵個靚位坐，裝修以簡約為主，有梳化有木凳，而且環境幾寬躺。叫咗曼谷牛腩船麵、吉隆坡龍蝦海鮮蝦麵、蜜糖蒜蓉炸單骨雞翼、泰香炸魷魚、Immune Booster、香芒莓莓熊。吉隆坡龍蝦海鮮蝦麵 ($198) : 有青口、龍蝦、腩片、通菜、溏心蛋、芽菜等配料，湯底味道幾特別，而且帶點辣，非常惹味 😋 麵既份量唔算多，不過配埋小食就啱啱好。曼谷牛腩船麵 ($98) : 有炸豬皮、肉丸、牛腩同其他配菜，湯底同樣咁出色，味道十分濃郁 ; 牛腩軟腍又入味，肉丸亦彈牙，朋友超鐘意食。🥰蜜糖蒜蓉炸單骨雞翼 ($48/左)，泰香炸魷魚 ($48/右) : 單骨雞翼出面食到嗰啲好多都炸到好乾身，好似食柴皮咁，不過呢度整得唔錯，外皮炸得夠香脆，內裏飽滿多汁同份量亦幾多 ; 泰香炸魷魚炸漿較薄身，唔似港式果啲咁油膩，相對健康好多，肉質彈牙帶點青檸檬味，想惹味啲
餐廳門口同裏面各有一部自助點餐機十分方便，食物種類有麵、飯、小食同不同類型嘅飲品，而且麵嘅口味重有喇沙、港式、泰式、日式、台式、擔擔麵都有，十分多元化 ; 點完餐後就搵個靚位坐，裝修以簡約為主，有梳化有木凳，而且環境幾寬躺。
叫咗曼谷牛腩船麵、吉隆坡龍蝦海鮮蝦麵、蜜糖蒜蓉炸單骨雞翼、泰香炸魷魚、Immune Booster、香芒莓莓熊。
吉隆坡龍蝦海鮮蝦麵 ($198) : 有青口、龍蝦、腩片、通菜、溏心蛋、芽菜等配料，湯底味道幾特別，而且帶點辣，非常惹味 😋 麵既份量唔算多，不過配埋小食就啱啱好。
曼谷牛腩船麵 ($98) : 有炸豬皮、肉丸、牛腩同其他配菜，湯底同樣咁出色，味道十分濃郁 ; 牛腩軟腍又入味，肉丸亦彈牙，朋友超鐘意食。🥰
蜜糖蒜蓉炸單骨雞翼 ($48/左)，泰香炸魷魚 ($48/右) : 單骨雞翼出面食到嗰啲好多都炸到好乾身，好似食柴皮咁，不過呢度整得唔錯，外皮炸得夠香脆，內裏飽滿多汁同份量亦幾多 ; 泰香炸魷魚炸漿較薄身，唔似港式果啲咁油膩，相對健康好多，肉質彈牙帶點青檸檬味，想惹味啲可以點埋個醬食。
香芒莓莓熊 ($48/左)，Immune Booster ($62/右) : 香芒莓莓熊賣相幾可愛，好似有隻熊仔係度浸浴咁 😆 味道清甜之餘帶點芒果香，唔好當好似出面果啲勁甜芒果汁，如果想濃味啲可以叫黑糖珍珠系列 ; Immune Booster 就係鮮榨果汁，非常健康。
Post
