Pop Street (Closed)

老闆請食飯，去咗第三街試新野。Pop street 裝修有特式，係carefree嘅現代風格。Lunch menu 有唔同國家嘅菜式選擇，適合大班唔同口味嘅人。我揀咗Greece 嘅 pita bread 同沙律，羊肉味道唔錯，配乳酪醬汁，少少辣味，整體感覺清新。沙律配酸酸沙律醬好醒胃。跟住有Vietnam 嘅Baguette 配薯條，呢個香茅豬肉絲好惹味，薯條亦新鮮熱辣辣，正。仲有Morocco 嘅燒春雞配雞腎，隻雞聞落好香，食落係香脆美味，呢隻雞睇落都唔少，食完認真飽飽。是日涼茶係夏桑菊，味道唔錯，仲有環保飲管，值得加分。呢隻champagne 好fresh好清新。食完侍應仲問我地有冇意見，好重視客人嘅評價，總結，服務好，質素高。