昌記

Open Now

Now Closed

一直心思思想食多士，知道昌記的吋半厚多後，味蕾一直蠢蠢欲動，今日放Easter，就去同媽媽試下～見網友話難搵，原來坐電車去到跑馬地總站，沿住成和路行5-10分鐘就到，不過佢所謂的二樓其實要行三層因為熟食中心有好幾間舖，一入到去就有人拉你去坐，我初初驚唔係昌記，原來佢係第一間，老闆即刻話＂去昌記嘛！坐啦坐啦！＂而且見到係昌記menu，先放心坐，不過其實間間舖都會拉人，真係要小心唔好坐錯呀去到梗係第一時間要吋半厚多士($10)：可以揀油砂多/奶油多，我地要左油砂多，第左成十分鐘先有，真係好厚！有三塊正常多士咁厚而且佢烘得好脆，外脆內軟，每一個包位都烘到，真係＂增一分太長，減一分太短＂，我一直係度懷疑佢用咩黎烘0既烘得咁勻循0既？不過砂糖有Ｄ淡，勝在可以感受到多士的脆軟功力，下次都係要返奶油厚多奶油多($7)：薄多士其實係坊間的厚多士，呢個真係脆卜卜，而且奶油勁多（多到漏！），好好味呀！魚片蛋治($13)：包包烘得更脆（因為更薄），好似食餅咁魚片炒蛋，隻蛋望埋去好似有Ｄ濃，但係食落很滑，初時覺得魚片同蛋的配搭很奇怪，但係食第一啖就已經推反左我的諗法！因為魚片很厚，啖啖肉，增加左蛋的口感，而魚