龍泉冰廳

Open Now

Now Closed

銅鑼灣［龍泉冰廳］ 地址: 銅鑼灣蘭芳道5號地下今日係銅鑼灣shopping 完，到位於蘭芳道既龍泉冰廳食晚飯，餐牌勁多選擇，有中式飯、小菜、西式意粉焗飯、懷舊鐵板餐、日式丼飯、泰式咖喱、東南亞麵食…...等等，選擇非常之多，我揀了二個小菜套餐， 附送老火例湯、白飯和飲品。👍🏻首選這裡的推介菜，葱油雞，皮爽有雞味，肉質嫩滑，蔥香四溢，口感豐富，調味恰到好處，每一口都帶來濃郁的蔥油香氣，配上白飯，一道美味的主菜，絕對值得一試！👍🏻 豆腐班腩，班腩新鮮冇腥味，炸至金黃，外酥內嫩，十分鮮味，配埋醬汁，味道濃郁，豆腐嫩滑，吸收了醬汁後，更加入味，合哂我胃口。👍🏻最後食得健康d，蒜蓉炒菜心，鑊氣十足，菜心淋甜，仲份量十足。👍🏻老火湯係紅蘿蔔節瓜湯，味道清甜，絕不肥膩，家的味道。飯後來一杯越來越少見的龍鳳檸樂，二種檸檬完美地結合，令人難以抗拒。