譚仔雲南米線 (海趣坊)

Open Now

Now Closed

海翠坊食店唔多，今日同母親入來辦事，順便食個午飯。因為多年無食過譚仔，今日心血來潮食一食，睇下變成點。以前必叫的套餐，樣樣都有，唔駛諗食咩好，而且今次諗住兩人分，所以叫套餐好點，相隔多年，都知縮水唔少，多年後也感到餸少了麵少了。不過湯底幾好，夠味。以前多數食蒜泥白肉，今次則叫雞翼，當食新野，感覺唔錯，肉嫩，香口。如果早十幾年前已經食譚仔就知，套餐無可能一人食晒（不過以前小弟是一人食清光），但記得以前食都知，一次比一次少份量，但價錢就一次比一次多。今次一食就更加少得可憐。其實通脹就人人都要接受，加價都無可厚非，但又加價同時減份量就有點過份。所以下次食譚仔，可能又十年八年後。