鼎泰豐 (Closed)

星期日經過尖沙咀人多到爆，諗咗好耐都唔知食乜好。忽然有人提議食小籠包，當然即刻聯想到就係鼎泰豐。新港中心個鋪都已經好多年，地方又夠大，我哋三個人等咗一陣就有位。既然想，我哋就主打小籠包。三個人一人一籠，5分鐘到就已經熱辣辣送上嚟。食咗咁多年，小籠包還是保持水準。佢哋嘅出品每一粒都唔算大，但係就一定係黃金18摺，完全係手工野。裏面嘅肉汁都好鮮，一啖一隻啱啱好。男仔來講食一籠係唔夠飽嘅，所以我哋都有嗌炒手同其他點心，不過都係好普通始終嚟鼎泰豐都係要食小籠包。