Be Leaf (Closed)

朋友帶我黎觀塘呢間西餐廳食飯，估唔到觀塘都有裝修得咁靚嘅餐廳，d野食又精緻又好味，唔錯。明太子炭燒荷蘭茄子伴三文魚他他呢個配搭非常新穎，通常茄子比人感覺係中式，但呢度西式嘅做法非常特別，上面大量撈咗明太子醬三文魚刺身粒粒夾埋茄子一齊食，估唔到又咁夾，勁好味。白酒牛油忌廉汁煮澳洲新鮮籃青口份量都幾多，一大碗，d籃青口都幾大隻，粒粒都好厚肉，食落好鮮甜，而個汁好creamy,好香牛油味，青口點埋d汁一齊食，好好味。意式紅酒燉羊膝肉新鮮手製闊蛋麵d度非常細心，d羊膝已經切到粒粒，方便客人食，食落d羊膝唔會太重羊騷味，煮得都幾淋，質地唔會太韌，而d手製蛋麵非常煙韌，完全冇overcook,好重蛋嘅香味，d汁掛晒喺d麵條上面，勁好食。鹽漬櫻花柚子梳打果d櫻花浮上面，賣相非常靚，飲落咸咸地，又酸酸甜甜，個味道幾特別，好香柚味。黑糖焙茶鮮奶非常濃郁，望落似朱古力，但飲落就好重茶味，非常香濃，真係飲到烘焙味，黑糖味都好香，飲落唔太甜，好飲。自家制85度朱古力心太軟配movenpick雪糕個賣相勁靚，一切開心太軟，d朱古力漿湧晒出黎，食落勁香濃嘅朱古力味，太又唔會太苦，配埋雪糕食一流。