天毅金燕窩莊

Open Now

Now Closed

睇到佢個話梅蕃茄就好想試，一試不能回頭，搞到唔中意食蕃茄嘅人都愛上食蕃茄，佢係冰鎮嘅，兩樣配搭簡直係絕配，佢蕃茄仔咬落去喺個口度爆汁，口感已經好得意，酸酸鹹鹹甜甜咁，我之後一經過應該會例點，另外佢個酒醉鮑魚，酒同鮑魚味嘅配搭令你唔識飽，啲味整得好有層次，口感爽靭又滑，然後就係佢個瑤柱雞湯翅，百幾蚊嚟講都算合理，佢本身加$10有埋白飯，不過我唔食飯，所以冇加，味道就係翅湯嘅味，魚翅料係原條一舊仔掉落去，都有4-5滿匙仔嘅量，最後就係佢個木瓜雪蛤膏，雪蛤膏放到個木瓜中間滿晒，有凍熱揀，不過雪蛤膏嘅味單食就比較淡，一定要連埋木瓜啲肉一齊食就甜少少，食落就係原汁原味嘅感覺，清清甜甜，十分推介。不過佢夜晚比較多人，我見到坐滿晒，晏晝反而唔使點等，一入去就有位，因為佢位唔多，所以大家請自行抽時間去試。