炑八韓烤 (MegaBox) (Closed)

本人覺得megabox分店較為食得舒服，不會太擠迫亦不會煙霧瀰漫，幫襯過好幾次，此店會贈送多款前菜，有泡菜/芽菜/酸蘿蔔/昆布等等，泡菜係最好味比其他同類餐廳好，食完仲有得叫服務員再俾一碟，無限同免費，我每次都叫了至少四碟。另外只要點選燒肉，服務員會將燒烤盤的邊位兩條坑紋放上泡菜雞蛋漿或粟米芝士，午市時段只有蛋漿，轉芝士就要加錢，晚市就免費。今日揀選兩個午市套餐，豬肉係首選，之後再揀拼盤有牛及雞，生菜亦係無限量供應，木人認為生菜包豬腩片係最美味的組合，跟餐的紫菜玉子飯相比另一餐廳牛角比較遜色，紫菜份量亦比較少，但味道都唔錯。另外再叫了一個炒年糕，味道一般。