媽咪雞蛋仔 (Closed)

Sogo 近排大減價，放假走咗去執平貨，臨走經過媽咪雞蛋仔，聞到陣陣蛋香味，吸引我想食返底。望住個餐牌，有好多款創意味道揀，平時我都喜歡食朱古力和飲咖啡，就揀咗咖啡朱古力味雞蛋仔。雞蛋仔係即叫即整，用咗好靚嘅有孔外賣袋，就算放耐一陣都唔會林。雞蛋仔食落咖啡味好重好香，雞蛋仔都係外脆內軟，口感甚佳，雞蛋仔裏面都有朱古力粒，熱辣辣食仲有流心效果添！買雞蛋仔或格仔餅。即可減4蚊購買飲品，揀咗鮮榨檸檬水，健康又清新，味道唔會好酸。