如菓．愛

Open Now

Now Closed

是日同朋友去Airside食飯，食完飯行街見到呢間水果舖，除咗有時令水果外，仲有鮮榨果汁賣，一於同朋友飲下果汁食下飯後果。呢度嘅果汁有好多款，以十二星座命名，非常有特色；另外仲有大大支嘅一公升果汁，同埋打卡一流嘅脆果杯。同朋友每人叫咗一支果汁及一個果杯，仲有買咗一支大果汁返屋企慢慢嘆歎。12星座果汁 :我哋揀咗處女座及摩羯座，處女座係檸檬芒果雪梨汁，味道酸酸甜甜，消暑解膩一流。摩羯座係藍莓紅火龍果雪梨汁，飲落好清甜，藍莓最適合成日要望電腦嘅我。一公升果汁 :份量十足，果汁即叫即搾，無加糖水保證原汁原味，西瓜汁夠晒鮮甜解渴。新鮮水果杯 :有5-6款時令水果，每日都唔同保證新鮮，今日有青提、火龍果、西瓜、哈密瓜等等，$25都算超值。如菓愛心脆果杯 :揀咗火紅菲菲，底層嘅紅火龍果汁，中間加入忌廉及粟米片，面頭再鋪滿紅火龍果，賣相好靚，食落味道唔太甜，粟米片脆脆嘅口感令整體更好味。