雲泉素食中心

Open Now

Now Closed

我哋撘火車到粉嶺火車站，轉 52K 小巴到雲泉仙館食齋。粉嶺火車站 A 或 C 出口 出閘後就會見到小巴站，車程不需15分鐘。到達收銀處要先點菜後付票，然後才會安排入座。座位有室外和室內可供選擇。室外風味似大排檔，室內似舊式的酒樓餐館。我哋共7個大人4個小童選了 $650 A餐，餸菜碟頭大而且白飯白粥任食，最後要打包才可以收場。打包的飯盒也要另外收費，大的$2/個，小的$1/個。我覺得依度嘅白粥、五柳素石斑 同 香酥琵琶鴨 最吸引。白粥清得嚟有點稀水，但有種獨特的香甜味道。五柳素石斑係用芋頭來造的，外層香脆可口，內層啖啖芋頭蓉。不過酸醬過多有點過酸，可以的話和酸醬分開另上會較佳。香酥琵琶鴨我覺得似豬扒多D，有煙韌似肉的口感，而且味道似豬肉。