七月餐室 (Closed)

成日去九龍灣行街都食商場嘅餐廳，今次就係德福附近工業區搵到一間港式餐廳，佢有好多款式，更加重要環境乾淨，啲卡位好闊落，好好坐，仲見到佢地都有好多熟客幫襯，多左一份人情味。1.麻辣水煮牛肉（$72）一上菜時睇到成碟都係紅色就以為好辣，但又唔會好濃味，啲湯係少少辣同埋好香牛肉味，好岩用黎送飯食。而最驚喜係佢嘅牛肉，係好滑有口感，仲有爽口芽菜、好入味嘅腐竹、木耳等做配料，份量加埋飯岩哂做晚餐！2.金銀蒜粉絲蒸鮮魷（$68）好多香蒜嘅菜式，真係好香，同埋魷魚嘅份量好多，多到我同朋友都食唔哂。七月嘅魷魚食落口唔會韌，入口啖啖蒜香，而粉絲會索哂魷魚嘅鮮味同埋蒜頭嘅香味，所以送飯一流👍🏻3.凍檸茶晚餐叫飲品有半價，我地見食辣就叫左凍檸茶，果然香港餐廳嘅凍檸茶係無得輸，叫左少甜，個紅茶底好濃好出，加上佢用不鏽鋼杯，更加keep到檸茶嘅冰凍感！